Honhom Kronkron nyℇ nframa, anaa adeℇ a yℇn nfa yℇn ani nhu.
AdebƆ, NyankopƆn bƆƆ soro ne asase ne mu nneℇma nyinaa, na me Nyame Honhom Kronkron a, maba mo nkyℇn sℇ onipa saa birℇ yi mu, ne Yesu Kristo a, Ɔno ne Nyame Ɔba boaa yℇn Agya NyankopƆn wƆ adebƆ mu. Ɔsoro ne asase bƆ akyi no, NyankopƆn ka kyerℇ me, Nyame Honhom Kronkron ne Nyame Ɔba (Yesu Kristo) sℇ, moma yℇn bƆ nipa sℇ yℇn sℇ so, na Ɔnhwℇ nneℇma a, NyankopƆn ayℇ no nyinea so.
NyankopƆn, nnwene nipa, na nipa da hƆ, Ɔnkasa, na Ɔnhome, na me Nyame Honhom Kronkron a, me gyina hƆ ma Ɔkra anaa homeℇ no me baa nipa mu, na nipa fii ase homeℇ na Ɔkekaa ne ho, nso na Ɔnkasa kƆsii sℇ Nyame Ɔba a ogyina hƆ ma kasa nso baa mu, na nipa fii ase kasae. M’Agya NyankopƆn na ƆbƆƆ adeℇ nyinaa na n’aboafoƆ ne Nyame Ɔba, Yesu Kristo ne me Nyame Honhom Kronkron.
Nea Enti a Apam Dadaa ne Apam Foforo baayℇ
NyankopƆn ƆbƆƆ nnipa no, Ɔmaa wƆn baabi tenayℇ, na ankyℇ na nnipa yℇℇ bƆne tiaa NyankopƆn, enti NyankopƆn paam nnipa fii ne nkyℇn baa asase yi so, na NyankopƆn ne nnipa ntℇn teeyℇ. Na nnipa ne Ɔbonsam too abasakƆnmu, na wƆn ayƆnko fa no mu yℇℇ den.
Na Ɔbonsam maa nnipa agyapadeℇ pii a, ebi ne, amamerℇ, ntorƆ, abufuo, abususℇm ka, awudie, angyeanie, npaepaemu, anibereℇ, ahoƆyea, Ɔtan, akoma bƆne, bƆne pℇ, krƆno, chacha, ahantan, ne bƆne ahodoƆ beberee, sℇnea ℇbℇyℇ na nnipa bℇpo NyankopƆn nsℇm, sℇnea ℇkƆso ℇnnℇ wƆ wiase yi mu no. Enti ℇbaa sℇ dabi, NyankopƆn frℇℇ Nyame Ɔba ne me Nyame Honhom Kronkron na Ɔkakyerℇ yℇn sℇ, ℇwƆm sℇ nnipa ayℇ no bƆne nso mo mma yℇn nhwℇ na yℇmfa nnipa mmra yℇn nkyℇn bio.
Enti, Nyame baasakoro a ℇyℇ, Nyame Agya, Nyame Ɔba ne me Nyame Honhom Kronkron gye tuumu sℇ, yℇ bℇ ba nnipa nykℇn wƆ asase yi so abℇkasa akyerℇ no na sℇ nnipa fa yℇn nsℇm no a, yasan de nnipa akƆ yℇn nkyℇn bio. Enti Nyame baasakoro yℇℇ no sℇ, Nyame Agya bedi kan aba asase yi so sℇ nipa na wabℇ kasa kyerℇ nnipa, na sℇ nnipa antie a, Nyame Ɔba nso bℇba na sℇ Ɔno ba, na nnipa antie no a, me Nyame Honhom Kronkron nso mℇba abℇka M’Agya NyankopƆn ahinie no ho asℇm, na nnipa antie a, M’Agya NyankopƆn bℇsℇe wiase ne nnipa nyinaa.
AkenkanfoƆ, Nyame baasa koro nhyiamu ne emu dwumadie yi maa yℇn apam miensa wƆ kyerℇwKronkron no mu. Na nea edikan a, ℇyℇ Nyame Agya no deℇ no yℇferℇ no Agya no nna, na ℇnnℇ deℇ yℇferℇ no Apam Dadaa, na nea ℇtƆso mmienu a, ℇyℇ Nyame Ɔba no daℇ no, yℇferℇ no Ɔba no nna ℇno ne ℇnnℇ Apam FoforƆ no. Na nea ℇtoƆ so mmiℇnsa a, ℇyℇ me Nyame Honhom Kronkron deℇ no yℇferℇ no Honhom Kronkron nna. ℇnnℇ deℇ yℇbℇferℇ no Apam a etwa toƆ.
AkenkanfoƆ, M’Agya NyankopƆn nam saa nhyehyℇ yi so na apam dadaa ne apam foforo baayℇ. Wei akyi no, me Nyame Honhom Kronkron ne Nyame Ɔba san hyiaℇ, na yℇ susuuhon, na yℇ gye tuumu sℇ, yℇrema yℇn Agya NyankopƆn mma asase yi so sℇ nipa, na mmom yℇ bℇ pℇ nipa ama wasi nanan. Enti yℇ de yℇn nsℇm yi kƆƆ too yℇn Agya NyankopƆn anim. Na yℇn Agya NyankopƆn gye yℇn nsℇm no tuumu. Enti yℇ yii Moses de adwuma no hyℇℇ no nsa.
AkenkanfoƆ, Moses ne AdiifoƆ no yℇℇ apam dadaa no mu adwuma, na Yesu Kristo nso ne n’asuafoƆ no yℇℇ apam foforo no mu adwuma.
